Përplasje në shkallët e kryeministrisë. Sapo është mbyllur fjalimi i kreut të PD-së Sali Berisha, protestuesit i janë drejtuar shkallëve të Kryeministrisë. Fillimisht ata kanë ndezur qirinj dhe më pas kanë hedhur bojë të kuqe dhe kanë shkelmuar dyert e Kryeministrisë.
Tensionet nisën pasi qytetarët u afruan përpara godinës së qeverisë për të ndezur qirinj. Ata u përplasën me policinë duke çarë kordonin rrethues.
Në vend shihen dhe forca të policisë, të cilat kanë shoqëruar një protestues.
Nga ana tjetër ish-kryeministri Sali Berisha dhe kryetari i Partisë së Lirisë Ilir Meta u larguan nga bulevardi “Dëshmorët e Kombit” në përfundim të protestës.
Shfaq Komentet (0)